- grettir.net

Það er bíll hérna á planinu fyrir framan vinnuna mína sem er alltaf með ljósin kveikt. Allan daginn, alla daga.
Mig grunar að eigandinn sé með leynisamning við Landsvirkjun og sé með litla útgáfu af Kárahnjúkavirkjun í skottinu.

Það er nú ekki einleikið hvað við erum alltaf heppin með rigningu um verslunarmannahelgina. Ég hélt að eyjar myndu sleppa í ár þar sem ég hafði ákveðið að halda mig heima (gegn því skilyrði að gestir á þjóðhátíð myndu allir senda mér 50 krónur), en svo virðist ekki vera.

En það verður bara Rokk í Reykjavík hjá mér um helgina. Snilld.

Eins og flestir vita, laumaði einhver kynlífs atriði inn í Grand Theft Auto leikinn og særði þar með blygðunarkennd öfgafulls bókstafstrúaðs kirkjunnar fólk í Bandaríkjunum. Og sjálfsagt fleiri feitabollur - sem eru nú með dollarmerki í augunum og ætla að kæra og ég veit ekki hvað.

Nú gengur þessi leikur út á það að keyra niður gangandi vegfarendur og slátra sem flestum á sem viðbjóðslegastan hátt. Það er allt í lagi - enda kirkjunnar fólk vant því að úthella þurfi smá blóði til að vera hress.
En ef það sést í jullur þá verður allt vitlaust. Ef jullan hefði verið skotin í spað, þá hefði þetta sjálfsagt verið minna mál.

Ruglað þetta lið.

Ekkert fær maður að hafa í friði. BT er búið að vera að senda mér einhver tilboð reglulega vegna þess að ég asnaðist til að taka þátt í einhverjum SMS leik í desember og núna var MR búðin að bætast í hóp þeirra sem maður verslar ekki við.

Hvernig þeir fengu númerið mitt þætti mér gaman að vita. Sá sem lét þá hafa það er kominn á svarta listann hjá mér.

Karl faðir minn ætlaði að láta undan hópþrýstingi yngri systkina minna og fjárfesta loks í ADSL á heimilinu.

Hann fer í Símabúðina í Kringlunni til að athuga hvað er í boði. Þar tekur á móti honum geispandi starfsmaður sem var ekki að nenna þessu afgreiðsluveseni. Faðir minn hefur líklega verið að trufla hann við tölvuleikjaiðkun, því engin voru svörin og kvikindið gapti sem mest hann mátti. Ekkert ADSL var keypt þann daginn.

Nokkrum dögum síðar fer vinur minn með gallaðan síma á sömu slóðir og lendir á sama flóðhesti - gapandi eins og til að lokka að sér fugla til tannhreinsunar - því ekki býst ég við að hann nenni að bursta geiflurnar frekar en að afgreiða.
Vinur minn segir honum þá, frekar viðskotaillur yfir þessu áhugaleysi (starfs)mannsins að hann skipti þá bara yfir í OgVodafone.
Þú færð alveg sömu svör þeim megin svaraði hann og geispaði sem aldrei fyrr.

Ætli það búi trúbadorar fyrir ofan hann eins og mig?

Ég er nýbúinn að fá flennistóra viftu í gluggann hérna fyrir aftan mig sem fær heldur betur að vinna fyrir kaupinu sínu.

Þeim peningum var vel varið.
Ekki mínum peningum - heldur peningum fyrirtækisins, því ef það væri ekki fyrir þessa viftu, þá lægju allir samstarfsfélagar mínir meðvitundarlausir í gólfinu af svitalykt og táfýlu.

Auðvitað ekki af minni svitalykt og táfýlu. Þær eru himneskar og gæti ég eflaust selt báðar á brúsum ef ég kærði mig um.

Fréttir af breyttum strætóleiðum hafa eflaust verið fleiri en farþegar undanfarna daga. Því ákvað ég nú að skoða hvernig ég kæmist í vinnuna með slíku farartæki.

Sjá hér: Framnesvegur -> Út í rassgat
Og ég þarf að ganga 250+ metra hið minnsta og tæplega hálfan kílómeter hið mesta. Hálfur kílómeter er ekki svo auðveldlega kláraður þegar Siggi Slabb hefur spáð óveðri.
Þetta tekur mig reyndar ekki nema 30 mínútur (í besta falli, ef maður fer ekki inn í vitlausan vagn) í stað 95 mínútna áður.

Ég þarf stundum að fara á fundi niðri í bæ á miðjum degi, svo við skulum athuga hvernig það lítur út:

Frá Rassgati -> Skólavörðuholt
Nú líst mér ekki á blikuna. Ég þarf að labba 800+ metra. Má maður ekki taka með sér hjól?

Það er því bara eitt í stöðunni ef ég sel bílinn eða missi prófið og nenni ekki að eyða einum og hálfum tíma að meðaltali á ferðalög á dag. Fá mér vinnu í Nóatúni í næsta húsi.

Sótti bráðabirgða álagningarseðilinn á netið áðan. Herra Haarde ætlar að rukka mig um hátekjuskatt og ekki nóg með það, þá ætlar hann að rukka mig um slíkan skatt fyrirfram fyrir árið 2005.

Nú veit ég ekki hvort grasið er grænna í öðrum löndum hvað þetta varðar, en þetta er auðvitað bara bull. Þetta er eins og maður fengi rukkun fyrir virðisaukaskatti af mjólk sem maður myndi hugsanlega kaupa í næstu viku, en fengi hann endurgreiddan (án vaxta að sjálfsögðu) ef engin væri mjólkin keypt.

Ekki skrýtið að þetta skattkerfi sé þungt og dýrt í rekstri þegar svona vitleysa viðgengst.

Púú!

- grettir

Ég er að fara til London í byrjun október að vinna. Ætli maður taki ekki bara leigubíl?

Á leiðinni í hádegismat heyrði ég eftirfarandi í fréttum:
Aðalfundur félags íslenskra útfararstjóra verður haldinn .. bla bla bla

Þori að veðja að þar verða líflegar umræður.

Ég er búinn að vera með króníska sinaskeiðabólgu í músahendinni (rúnkhendinni) í nokkrar vikur núna.

Það er tvennt í stöðunni. Fá sér aðra vinnu eða fasta konu. Það seinna kemur kannski ef það fyrra er uppfyllt, því tech markaðurinn er ekkert yfirfullur af konum, það verður að viðurkennast.

Það var ágætis heimildarmynd um melludólga á Stöð 2 í gær. Ef einhver var í vafa um að þetta væru drullusokkar, þá ætti sá hinn sami ekki að vera það lengur.

Orðaforði melludólga er heldur ekki framúrskarandi, en þeir enda allar setningar á "You know what I'm saying?" eða "You know what I mean?"

...
- grettir :: jájá, við skiljum

Eftir því sem ég heimsæki fleiri lönd í Evrópu finnst mér hún alltaf meira og meira spennandi og Ameríka að sama skapi fráhrindandi.

Þessi grein á vald.org gerði útslagið fyrir mig. N-Ameríka sökkar.

Ég fór á "Árshátíð" með einum vinnuhóp sem ég tilheyri í gærkvöldi. Fórum á Carúsó, borðuðum myndarlega og drukkum fínt rauðvín. Ansi gott verð ég að segja, þrátt fyrir að það sé eitthvað slen í mér í dag.

---

Ég sá á Stöð 2 um daginn, rökræður um þennan Snoop hund sem er á leiðinni til landsins, en hann ku vera umdeild fyrirmynd.

Össur orðar þetta ansi skemmtilega:
Sjálfur tala ég og skil ensku ágæta vel eftir að hafa búið hálfan áratug í Bretlandi. Mér er samt algerlega fyrirmunað að skilja obbann af því sem Snoop Dog puðrar út úr sér.

Burt séð frá því hversu vel maður skilur rapparann eða hvort hann er einhver kórdrengur, þá er hann alveg fokk leiðinlegur. Hann sýndi sitt ljóta fés á Rock Werchter um daginn. Hér er smá textadæmi:

Jó mother focker, jó mother focker... Snoop mother focker, Snoop mother focker, Snoop

Og annað:

Nanana.. nanana, yehehe.. Snoop dog

Gaurinn er bara grín. Og lélegt grín meira að segja.

...
- grettir :: færi ekki þó ég fengi gefins miða

Merkilegt þegar maður bregður sér frá í tvær vikur, þá hrannast bara verkefnin upp og maður þarf að vinna helmingi meira og hraðar en áður en maður fór í frí.
This sucks!

En ég er að spá í að skreppa í hjólreiðatúr á eftir. Mér skilst að þessi blíða ætli að stoppa stutt.

---

Litla systir er að fara til Svíþjóðar í fyrramálið.
Ég á eftir að sakna hennar :-( enda besta vinkona mín.

Djöfulsins snilld var Rock Werchter! Svo mikil snilld að ég er alvarlega að spá í ferð á Pukkel Pop í Ágúst, en þar verða meðal annars Korn, Pixies og Marilyn Manson og fleiri góðir.

Á fimmtudeginum fórum við að sjá Bravery, New Order, Kraftwerk og svo sáum við restina af Snoop Dogg (fokk hvað gaurinn er boring).

Á föstudeginum sáum við fullt af dóti, en Green day stóð þar upp úr. Þeir eru massa flottir á sviði. Drógu fólk upp úr crowdinu og létu þau spila á trommur, gítar og bassa. Bara svalt og töff.

Á laugardeginum standa Bloc Party, Interpol, Audioslave og Rammstein upp úr, enda eintóm gleði og hamingja þar á ferð.

Sunnudagurinn var sá þynnsti sem ég man eftir á minni stuttu ævi enda var dagurinn á undan 18 tíma bjórdrykkja, en rétt náði restinni af Foo Fighters og svo R.E.M. Missti sem sagt af Queens of the Stone Age, en skilst að þeir hafi verið hressir. Við Ingunn gerðum tilraun til að borða og koma okkur niður á svæði, en það endaði ekki vel. Kebab lykt er sérlega óhressandi þegar

Olav von Ölves er með hressa ferðasögu af okkur þarna úti og svo tók ég slatta af myndum sem ég á eftir að setja lýsingu við.

En best að byrja að vinna :-(

Sjaldan hef eg sed svona mikid af nerds samankomna a einni radstefnu. Thad er likt og atvinnusjukdomurinn se ad vera furdulegur i utliti.

En eg er sem sagt kominn til Hollands a Nerdy 2005 eftir eintomt rokk i Belgiu. Segi ykkur betur fra thvi sidar med myndum.

...
- grettir :: nerdy nerdy nerdy