- grettir.net

Það er nokkuð ljóst í hvað skattpeningarnir okkar fara. Strætóbílstjóra sem horfa ekki fram fyrir tærnar á sér.

...
- grettir :: græna kortið? Held ekki.

Glænýr og skemmtilegur fídus á lottó.is sem leyfir manni að slá inn lukkutölurnar sínar og kanna hversu miklar lukkutölur það eru í raun.

Ég tók því fram áskriftar miðann minn og byrjaði að prófa. Leit illa út framan af, aldrei komið neinn vinningur.

Jæja, hugsa ég... held samt áfram. Þegar ég er búinn að slá inn allan miðann og aldrei hefur komið neinn vinningur á neina röð, ever, þá hugsa ég nú með mér að eitthvað hljóti að vera mis, því ég hef oft unnið 3 rétta, 2 og bónus og slíkt.

Þannig að ég slæ inn tölurnar sem komu upp í síðustu viku.

Og niðurstaðan: aldrei unnist neitt á þær heldur. Ætli vinningshafar síðustu viku viti að þeir fá ekki neitt? Þetta er bara allt í plati rassagati.

...
- grettir :: strákar mínir. Lagið þetta.

Ætli ég verði ekki að gista hérna uppi í vinnu? Farið að snjóa eins og einhver fái greitt fyrir það. Býst við að maður verði að sleppa því að borða í næsta mánuði og fjárfesta í vetrartúttum.

Annars er ég alveg æfur núna. Í lok sumars fékk ég kynningaráskrift að DV og átti að sjálfsögðu sjálfur að láta vita ef ég vildi ekki halda áfram eftir það ( sem ég að sjálfsögðu gleymdi, því ég held ég sé með snert af Alzheimer). Allavega, mér fannst einkennilegt að ég skyldi aldrei fá gíróseðil, sér í lagi vegna þess að manni skylst á fréttum að þeir hafi nú ekki alveg efni á að dreifa blaðinu frítt.

Haldið að ég sjái ekki á yfirlitinu mínu í einkabankanum að áskriftin hefur verið skuldfærð !! Ég gaf þeim aldrei upp reikningsnúmerið, hvað þá leyfi til að hirða út af reikningnum. Er hægt að fletta bankaupplýsingum um mann upp í símaskránni? Maður spyr sig.

Til að toppa þetta, þá kom blaðið ekki í dag.

...
- grettir :: someone is getting fired.

Vaknaði í morgun við fuglasöng og hlaupandi börn í Vesturbæjarskólanum. Lífið er gott á Framnesveginum. Á leiðinni í vinnuna byrjaði að snjóa. Það er eins og maður sé kominn upp á fjöll handan við Lönguhlíð.

Af hverju búa ekki allir í Vesturbænum? Ég legg til að stofnað verði sjálfstætt ríki vestan Snorrabrautar. Þá getum við selt sælu- og sólarferðir í Vesturbæinn. Og sett upp fríhöfn við Landspítalann.

...
- grettir :: hate snow

Ég held ég hati ekki neitt verkfæri eins mikið og þennan viðbjóð sem Word er. Maður ætlar í sakleysi sínu að búa til eitt hönnunarskjal og notar til þess þar til gert template, með lógói og svona.

Í hvert skipti sem ég vista spyr óbjóðurinn mig hvort ég vilji líka vista template-ið. Til hvers? Svo að sá næsti sem notar template-ið fái alla vitleysuna sem ég er búinn að semja?

Nei, heimska drulluforrit, ég vil það ekki!

Svo er síðasta blaðsíðan með einhverju fucked up margin drasli. Þegar ég reyni að eyða henni heldur crappið að ég vilji hafa svoleiðis margin á öllum síðunum á undan?! Hvað er að? Hættu að skipta þér af þarna helvítið þitt! Smart bullets og svoleiðis rusl. Þetta getur gert mann alveg spinni gal.

...
- grettir :: ef ég verð pirraður á því að nota þetta, þá er þetta bilað

Sá strætó í gær með jólaauglýsingu. Í morgun var jólaföndur í Íslandi í býtið. Það eru nýbúin að vera jól, for crying out loud. Það er eins og það hafi gerst í gær að ég var að bera búslóðina mína út úr Eskihlíðinni í bullandi snjókomu í mars. Hvert fór sumarið? Hvar var ég?

Svo eru menn eru byrjaðir að rúlla út í móa sökum hálku. Það fer ekki á milli mála að maður verður að fara að setja vetrardekkin undir svo það hlýni nú hressilega.

...
- grettir :: held að Ástralía sé málið, 9 mánaða sumar.

Ég prófaði nú þetta iTunes og já, þetta er svona lala. Hverjum finnst sinn fugl fagur og allt það þvaður um hvort það sé betra að vera með Mac eða PC. Fyrir þá sem ekki vita, þá er þetta frír muzik spilari frá Apple og fæst einnig fyrir Windows.

Ég hef nú persónulega aldrei notað Media Playerinn í Windows fyrir múzik spilun, svo ég hef engan samanburð á því hvort að það sé þægilegra að brenna, versla og gera og græja í iTunes.

Mér finnst nú Winamp-inn bara alltaf standa fyrir sínu. Hann er með "Play" takka og "Stop" takka og í nýjustu útgáfunni 2.91 er komið þetta fína music library. Ég meina, þetta er nú bara spilari, hann þarf ekki að geta tekið afrit, verslað fyrir mann og hellt uppá kaffi.

...
- grettir :: en þetta er frítt. Kúdos fyrir það.

Helgin var með rólegra móti, en hún litla systir mín var í heimsókn og sprelluðum við ýmislegt saman. Fórum í sund, átum McDonalds, fórum í matarboð og í Smáralindina. Maður fékk svona helgarpabba fílínginn, án þess að ég viti nokkuð hvernig það er. Sem er hressandi.

Á föstudagskvöldið var grillað og haldin veisla yfir Idol. Ég bjóst nú ekki við miklu af þessum Idol þætti. Horfði til dæmis ekki á American Idol, enda leiðast mér svona þvaður þættir. En íslenska Idolið finnst mér hin besta skemmtun og finnst Bubbi alveg stórkostlegur í hlutverki vonda kallsins *irony*.

Ef máltakið "Að kasta steini úr glerhúsi" hefði ekki verið til fyrir nokkrum misserum, þá hefði það verið fundið upp eftir að Bubbi fór að segja fólki að velja lög sem það getur sungið og er ég þá að vísa í háu tónana í nýjasta lagi Bubbans, þúsund kossa nótt. Ekki misskilja, Bubbi er stórgóður á köflum, en persónulega finnast mér fyrstu plöturnar alltaf standa upp úr. Ég er ekki að fíla þessar vælu melódíur sem hafa verið að koma undanfarið, ef undan er skilið lagið Kveðja á síðustu plötu kappans.

Að allt öðru. Ég hélt að símaöt í útvarpi væru löngu liðin undir lok, en Ding Dong eru bara með alveg ágætlega hressandi slík á morgnanna þegar ég er að vakna. Í morgun var þó eitt alveg illkvittið, en Doddi hringdi í stelpu sem lá veik heima, þóttist vera yfirmaður hennar og sagði henni að hún þyrfti ekkert að mæta aftur í vinnuna. Stelpugreyið fór að háskæla og Doddi varð ýkt vandræðalegur.

...
- grettir :: nokkrir vinir og vinnufélagar skulda feita afsökunarbeiðni í dag.

Barst í morgun tilboð í emili um að stækka typpalinginn fyrir lítinn pening. Nei, veistu, ég held ekki.

En þetta er í fyrsta skipti sem ég fæ spam í ár og daga, en ég nota mailwasher til að hreinsa mailboxið mitt. Lítið næs forrit sem keyrir bara á tölvunni heima og hreinsar óværuna sjálfvirkt fyrir mig. Það sem betra er, það sendir sendandanum skilaboð um að þetta email sé ekki til (bounce).

...
- grettir :: óþolandi þetta spam drasl

Norðurljósin auglýsa Stöð 3 af kappi þessa dagana og segja að þeir sem kaupi Stöð 2 fái Október frítt.

Ég er greinilega eitthvað að misskilja. Nú kaupi ég Stöð 2 og stóð í þeirri meiningu að auglýsingin þýddi að ég fengi áskrift að Stöð 3 í Október frítt, en það er nú bara ruglirugl í gangi.

Líklega meina þeir bara það sem þeir segja og maður fái Október frítt. Ég er mikið að spá í að nýta mér þetta tilboð. Ekki ónýtt að eiga heilan mánuð skuldlausan fyrir sig einan.

...
- grettir :: ætli maður geti rammað svona mánuð inn?

Nú er ég búinn að skíta upp á bak með því að lofa Ægi að mæta galvaskur í gymmið klukkan hálf sjö í fyrramálið. Síðast þegar ég var vakandi svo snemma var ég ekki farinn að sofa.

Það verður sko farið í háttinn klukkan tíu í kvöld og ekkert múður.

...
- grettir :: kvíðir mikið fyrir...

Vaknaði frekar úrillur í nótt við eitthvað anskotans píp. Fór fram og hélt að tölvan mín væri að eipa. Það var ekki. Svo heyri ég að nágrannarnir eru komnir á stjá og hélt þá að sjálfsögðu að þeir væru með eitthvað píp, þegar ég allt í einu heyri að þetta kemur úr stofunni minni.

"Aahh," hugsa ég, "helvítis reykskynjarinn að verða batteríislaus." Ég fer inn í stofu, en fatta þá að reykskynjarinn er frammi á gangi. "Djöfullinn er þetta?" hugsa ég, allsber og orðinn mjög úrillur. Þá kemur eitt hávært píp í viðbót af stofuborðinu.

Sökudólgurinn? Þráðlausi heimilissíminn að verða batteríislaus. Og það átti sko ekki að fara framhjá neinum í götunni.

...
- grettir :: "þetta leikrit er hvort sem er bara tómt píp" - Harrý og Heimir

Nýjum fídus hefur verið bætt við hérna á bestu síðu í heimi, ef ekki geimi. Nú getið þið skipt um útlit á síðunni með því að velja "Útlit" valmöguleikann.

Endilega vafrið um útlitin, segjið ykkar álit og fyrir alla muni látið mig vita ef eitthvað er bilað. Ein af nýjungunum er sú að nú má sjá mynd af stráknum á veraldarvefnum, how about that?

Nú, eitthvað fleira er nýtt.. skoðið bara.

...
- grettir :: ferskur sem aldrei fyrr

Ég fer ekki ofan af því, að baggalútur er bara fyndnasta síða í heimi, ef ekki á öllu Íslandi.

Nú hafa þeir sett saman stuðningslag til að hvetja landsliðið í fótbolta. Þetta lag ætti umsvifalaust að verða nýji þjóðsöngur Íslands, enda er þjóðsöngurinn okkar bæði ófyndinn og illlæranlegur. Eilífa smáblóm skáblóm.

...
- grettir :: áfram Ísland

Jæja, þá er komið að hinu óumflýjanlega, tannlæknirinn vill skoða geiflurnar í dag og athuga hvort að hann geti ekki stækkað hjá sér baðið.

Ég vil meina að ég sé búinn að vera svo þægur að bursta og græja á þessu ári að hann hafi í mesta lagi efni á bjórkippu eftir heimsóknina. En á þessum tímamótum held ég að það sé rétt að rifja upp þegar ég lét taka endajaxlana

...
- grettir :: maður er samt alltaf pínu stressaður

Um næstu helgi stendur til að kíkja í leikhús með vinnufélögunum. Síðast þegar ég fór í leikhús sá ég Panódíl fyrir tvo, núna á að sjá Erling. Þannig að það má eiginlega segja að ég fari nánast bara á leiksýningar með Jóni Gnarr, ekki beint þessi leikhústýpa, hann ég.
Í fyrra var vinnustaðar leikhúsferð til Hafnarfjarðar að sjá eitthvað leikrit sem ég man ekki hvað heitir vegna þess að ég gleymdi að mæta, gleyminn hann ég. Gleymdi til dæmis að mæta í próf á föstudaginn, en það er önnur saga.

...
- grettir :: finnst ég vera að gleyma einhverju

Í fimmta skipti á tveimur árum gaf vinnutölvan mín upp öndina. Hingað og ekki lengra og ég fékk nýja tölvu í morgun, splendid vél með innbyggðum skrifara og þráðlausu netkorti. Já, nú er gaman að vera ég.

Annars er ég að vinna í breytingum á síðunni svo ekki láta ykkur bregða þó að allt verði bilað innan skamms..

...
- grettir ::

Gíróseðlar og svoleiðis drasl kemur aldrei til mín fyrr en bara daginn áður en gjalddagi rennur upp, svo það sé smá séns að maður gleymi að greiða eða sé búinn að eyða peningnum í vitleysu.

Nú var ég að fá ástarbréf frá Tollstjóra þar sem hann heldur því fram að ég skuldi fasteignagjöld. Mig endilega minnti að ég hafi greitt seðilinn og finn færsluna í einkabankanum. Finn svo gíróseðilinn og sé að ég hef krassað á hann greitt. Hvað er þá vandamálið? Hugsa ég og strýk hökuna og set upp spökuleringasvipinn, sem er alger sparisvipur og notast helst ekki nema á tyllidögum.

Þá rek ég augun í línu neðarlega á greidda seðlinum: "Vinsamlega gerið upp eldri skuld". Hvaða eldri skuld? Ég var ekki einu sinni fluttur inn þegar ég greiddi þennan seðil, hvað þá að ég eigi einhvern eldri ógreiddan!

...
- grettir :: útburður í nánd...